Year: 2024
Tribute to Late Aziz sir Mallu by Zakir Umta
અસ્સલામુ અલયકુમ.
ટંકારીઆ હાઈસ્કૂલમાં શિક્ષક તરીકેની સેવાઓ આપી માનભેર નિવૃત્ત થયેલા મૂળ ઇખર ગામના રહેવાસી એવા અઝીઝ સાહેબ મલ્લુનું સાઉથ આફ્રિકામાં અવસાન થયું છે એ દુઃખદ સમાચાર જાણી આઘાતની લાગણી થઇ.
મર્હુમ અઝીઝ સાહેબ ખરેખર હરદિલ અઝીઝ હતા. તેમનો અત્યંત વિનમ્ર સ્વભાવ અને એમની મૃદુ ભાષાના કારણે તેઓ હંમેશાં યાદ રહેશે. નિવૃત્તિ પછી પણ ટંકારીઆ ગામ સાથેનો તેમનો સંબંધ અતૂટ રહ્યો હતો. પ્રસંગોપાત તેઓ ટંકારીઆ ગામની મુલાકાત લેતા રહેતા હતા એ એમને ટંકારીઆ હાઇસ્કૂલ, ટંકારીઆ ગામ, અને ટંકારીઆના લોકો પ્રત્યે કેટલો આદરભાવ અને પ્રેમ હતો એ બતાવે છે.
અલ્લાહ તઆલા મર્હુમની મગફીરત ફરમાવી જન્નતમાં આલા મકામ અતા ફરમાવે એવી દુઆઓ છે.
ઝાકીર હુસેન ઉમટા.
માજી સરપંચ ટંકારીઆ.
ટંકારીઆ હાઈસ્કૂલમાં “ટંકારીઆ રત્ન” “અદમ ટંકારવી” સાહેબની ઉપસ્થિતિમાં સાહિત્ય સંગમ કાર્યક્રમ યોજાયો
આજરોજ તારીખ 12/2/24 ને સોમવાર ના રોજ ટંકારીયા હાઈસ્કૂલમાં English Club ના નેજા હેઠળ સાહિત્ય સંગમ/Motivational કાર્યક્રમનું આયોજન કરવામાં આવ્યું હતું.શાળાના માનદમંત્રી જનાબ અબ્દુલ્લાહ ભુતાવાલાના નેજા હેઠળ શાળાના આચાર્યશ્રી ગુલામ પટેલ , સુપરવાઇઝર સિદ્દીકભાઈ દેગ,સિનિયર શિક્ષક મુસ્તાકભાઈ ઘાંચી તેમજ English Club ના શિક્ષકો ઇલ્યાસભાઈ, હફસાનાબેન, મેહઝબીનબેન અને મોહસીનભાઈ અને સ્ટાફગણના સુંદર સંકલન થકી આ કાર્યક્રમમાં “ટંકારીઆ રત્ન” “અદમ ટંકારવી” સાહેબ અને ઈમ્તિયાઝભાઈ વરેડીયાવાલા ઉર્ફે ટંકારવી એ વિદ્યાર્થીઓને વર્તમાન સમયમાં માતૃભાષા ગુજરાતી ને ભૂલ્યા વગર અંગ્રેજી ભાષા શીખવાની સલાહ આપી જીવનમાં સર્જનાત્મકતા કેળવવા શીખામણ આપી હતી. સાથે બન્ને મહાનુભાવોએ વિદ્યાર્થીઓને ગઝલ , વિવિધ શેર અને વાર્તાઓ થકી સફળતાનાં ઊચ્ચ શિખરો સર કરવા સવારે નિયમિત વહેલાં જાગી સંનિષ્ઠ પ્રયત્નો કરવા હાકલ કરી હતી.શાળાના આચાર્યશ્રી ગુલામ પટેલે સ્વાગત અને ઇલ્યાસભાઈ ભોજાએ આભારવિધિ કરી હતી.
