ભારે રસાકસી વાળી મેચમાં ટંકારીઆ કે.જી.એન. નો પરાજય

મુસ્તુફાબાદ ક્રિકેટ ગ્રાઉન્ડ પર આજરોજ ગતવર્ષની ૩૦ ઓવર ઓપન ક્રિકેટ મેચ ની સેમી ફાઇનલ આજે ટંકારીઆ કે.જી.એન. અને વોરાસમની વચ્ચે રમાઈ હતી જેમાં વોરાસામણીએ તેના નિર્ધારિત ઓવરમાં ૧૯૨ રન ફટકાર્યા હતા. જેમાં અક્રમ બૉનીના ૫૦ રન તથા વોરાસમની ના જલાલ પટેલના ૪૬ રન મુખ્ય હતા. તેના જવાબમાં ટંકારીઆ કે.જી.એન. ના પણ ૧૯૨ રન થતા મેચ ટાઈ થઇ હતી. કે.જી.એન. તરફથી જેસલ કારિયા ના ૫૦ તથા સુકેતુ પાંડે ના ૮૬ રન મુખ્ય હતા. કે.જી.એન. ને છેલ્લી ઓવરમાં જીતવા માટે ૧૯ રન ની જરૂર હતી પરંતુ સુકેતુ પાંડે એ છેલ્લા ૩ બોલમાં ૩ છગ્ગા ફટકારતા મેચ ટાઈ થઇ જવા પામી હતી. અને ત્યાર બાદ સુપર ઓવર રમાડવામાં આવી હતી જેમાં ટંકારીઆ કે.જી.એન. ના ૮ રન થયા હતા જે વોરાસમની ટીમે ફટકારી દેતા વોરાસમની નો વિજય થયો હતો. એક વખતે નિશ્ચિત વિજય તરફ ધપતી કે.જી.એન. ની ટિમ ઓચિંતી કોલપ્સ થઇ ગઈ હતી.