ટંકારીઆમાં વીજ કંપનીના દરોડા

શિયાળાની કડકડતી ઠંડીની વહેલી સવારે ટંકારીઆમાં વીજ મીટર ચેકીંગ આશરે ૪૦ વાહનોના કુમક સાથે આવી પહોંચી હતી. લોકો હજુ નિંદ્રાધીન હતા ત્યારે વીજ કંપનીની ટીમો ગામમાં ઠેર ઠેર – ફળિયે ફળિયે સઘન પોલીસ બંદોબસ્ત સાથે દરવાજે દસ્તક દઈ દરોડાની કામગીરી હાથ ધરી હતી જેને પગલે ગામમાં સોપો પડી ગયો હતો. પ્રાપ્ત માહિતી અનુસાર ઘણા બધા વીજ કનેક્શનો પક્ડાયાની માહિતી મળી રહી છે. આ વીજ ચેકીંગ ૯ વાગ્યા સુધી ચાલી હતી. પકડાયેલા વીજમીટરોના માલિકો સામે કેસ નોંધી દંડનીય કાર્યવાહી હાથ ધરી હતી.